الجمعة، 24 يوليو، 2015

أقوال وأمثال شعبية شهيرة

امثال شعبية تقال في المواقف والاحداث وتعليقا على بعض الكلمات والاحاديث بين الناس - ولكل شعب في العالم امثال شعبية مختلفة وقد تنتشر بعض الأمثال في شعوب اخرى مصدرها شعب آخر.
  • لبس البوصة تبقى عروسة
  • لاتعايرني ولااعايرك الهم طايلني وطايلك
  • هم يبكي وهم يضحك
  • وضع العقدة في المنشار
  • كله سلف ودين
  • كد النملة وتعمل عمله
  • قرد يسليني ولا غزال يغمني
  • علمناهم الشحاته سبقونا على الابواب
  • في الوجه مرايا وفي القفا حربايا
  • ضرب الحبيب زي أكل الزبيب
  • سبع صنايع والبخت ضايع
  • رضينا بالهم والهم مش راضي بينا
  • جبتك يا عبدالمعين تعيني لاقيتك ياعبدالمعين متعان
  • حمارتك العرجه ولا سؤال اللئيم
  • رجعت حليمة لعادتها القديمة
  • زي الحلاق يضحك على الاقرع بطقطقة المقص
  • جاءت الحزينة تفرح ما لقيت لها مطرح
  • اللي يمشي ياما يشوف
  • ان حبتك حية اطوق بيها
  • اللى يطلع من داره يتقل مقداره
  • اللي مايشوف من الغربال يبقى اعمى
  • اللي قلنا عليه موسى طلع فرعون
  • اللى ما لوش كبير يشترى له كبير
  • ابعد عن الشر وغنيله
  • اعمل الخير و ارميه فى بحر جارى و ان ضاع عند العبد ما يضعش عند البارى
  • أدعي على ابني واكره اللي يقول امين
  • ادي العيش لخبازه
  • حبيبك يبلع لك الزلط وعدوك يتمنى لك الغلط
  • اللقمة ما تحلا ولا تطيب الا بوجود الحبيب
  • الباب اللي ييجي منه الريح سده واستريح
  • اذا كان حبيبك عسك ما تلحسوش كله
  • إبرتي المصدية أحسن من اساورك أم ألف ومية
  • أشهر من النار على الْعَلَمِ
  • اللي بيته من قزاز لا يحدف الناس بالطوب
  • الطول طول الباب والعقل عقل الذباب
  • اللي ما يأثر الكلام فيه ضرب السيف أولى بيه
  • اللي ما يفهم بالتلميح يفهم بالتجريح
  • اللي عنده جنيه محيره يشتري به حمام ويطيره
  • اللي يقرب من الحداد ينكوي بناره
  • المال مال ابونا والاغراب يحاربونا
  • أكلوا أكلك وضحكوا على عقلك
  • إذا تصالح القط والفار يا خراب الديار
الناس والحياة - للمزيد من المعلومات اضغط هنا

ليست هناك تعليقات:

إرسال تعليق